La canzon di valbrengit
I molin
scritta da Marzopino
Tutt i paês e tutt i citaa
G’hann la soa storia di temp pasaa.
Se a nun de Brengia scherzan <<asnin>>
L’è per la storia di vece molin.
Cont’el so ingegn, i noster missee,
Vott secoi fa, o forsi pussee,
Hann faa la rongia travers i praa
E dodes molin hann fabricaa
La rongia industrïosa
Ai so molin la va,
Assidua e silenziosa
La viv per lavorà.
Fedel ai so mansion
Coi forz che lee la g’ha
La passa tra i rodon
E tutt je fa girà.
El gira’l rodon
A tutti i stagion.
El canta ‘l mornee
Con pien al granee!
La moeula la va
Dì e nott a masnà
Forment e carlon.
El gira ‘l rodon.
Se a nun de Brengia, scherzan <<asnin>>
L’è per la storiadi vecc molin.
I asnitt
Ogni mornee, i so bei asnitt,
Je somegiava per el tragitt
Da la Valbrengia fina in citaa
Propi in la piazza de quell mercaa.
Quand je vedevan, i cittadin,
Che simpatia per sti assnin!
In tal manera, nun Valbrengit,
S’hemm faa’n gran nom coi noster asnitt!
Intant che canta ‘l gall
La fila di asnin
La lassa la soa vall
Coi sacch pien de farin.
La bella mornerina
Ghe pias andagh adree
Per fa la ssmorfiosina
Col giovin del mornee…
E l’asen el va
Tranquill e pazient,
El ved a smorfià
Ma ‘l dîs mai nient.
Però quant che ‘l sent
Basitt a scoccà
El rid e content
El tacca a raglià.
I duu morosin
Content anca lor,
Se tiren visin
E cantan l’amor.
In tal manera, num Valbrengitt
S’hemm faa’n gran nom coi noster asnitt!