Comunità della Beata Vergine del Bisbino

Cerca

Eventi

Dom Giu 03
CORPUS DOMINI
Ven Giu 08 @20:30 -
ADORAZIONE SETTIMANALE
Lun Giu 11
INIZIO GREST 2018
Gio Giu 14 @20:30 -
ADORAZIONE SETTIMANALE
Ven Giu 15 @08:00 -
PELLEGRINAGGIO ROVENNA AL BISBINO
Sab Giu 16 @08:00 -
INIZIO ORARIO ESTIVO MESSE
Dom Giu 17 @11:30 -
INIZIO MESSE BISBINO
Dom Giu 17 @16:00 -
CONCERTO-ELEV. SPIRITUALE
Gio Giu 21 @20:30 -
ADORAZIONE SETTIMANALE
Gio Giu 28 @20:30 -
ADORAZIONE SETTIMANALE

Condividi

Comunità

Powered by JoomlaGadgets

Home Maslianico

Maslianic del domila

Scritto da Gabriele Della Torre   
Lunedì 20 Settembre 2010 14:48

Maslianic del domila

scritta da Marzopino

 

Per öl mönd còr la vôs

(Ve’l cönfidi fin da adess)

Che quajcoss de prödigiôs

In Valbrengia g’ha de vess!

 

L’è già prönt ön grand progett

D’ön mezz matt d’ön Architett…

Cerchee dônca de scampà

Per assist ai növita!...

 

Coro:

Cön l’ingegn e cöl badì

Con l’aiut de la Natura

Vegnerà in fin quel dì

Che la BRENGIA, in misura,

Da la CIUSA al Lagh de Com,

Cöi do spöndd ben arginaa,

El Torrente l cambia nom

In Navili o in Canaa!

 

A solo:

Che magnifich panorama

L’è ön sogn pei noster dì

El mè coeur content l’esclama:

O Signor, fèm nò mörì!!...

 

Ritornello:

Maslianich del Domila

Un Parigi da nò di…!

La mia gent, vörii capila?

L’è da bön pecaa morì!!...

Coro:

Trenta ghèi de batellin

O cinnquanta de barchetta

In cannott, in sandolin

Se cörr via e se traghetta,

Senza polver, senza guai

Né quel po’ de malcöntent

Soraprezzi del tramwai

Che’l va innanz eternament!

A solo:

Ghe sarà ‘nca l’Idrovola

Per servizi ön poo lontan

L’Idroscalo a la Fola

L’è central e chi de man!

 

Ritornello

Coro:

Un bel pont in sul Canaa

Cöl stradön per Montrompin

Un Vial ben ombregiaa

Lungh la sponda de Quarzin

Anca el LIDO ghe sarà

Cön gabin e ombrelön

O che bell a sguazettà

Quand l’è calda la stagîön!

 

A solo:

Per la nostra giöventù

Sana e forte e che voeur viv,

El Cömun el farà su

Finalmente el CAMP SPORTIV!!...

Ritornello

Coro:

Splenderà la GESA noeuva

In superba posiziön

E la Scoeula darà proeuva

De moderna elevaziön

Cont’un tale fabricaa

Che’l sarà de amiraziön

E tutt degn d’öna Cittaa

Animada d’ambiziön!...

 

A solo:

E i nost bei istituziön

Saran cert ben cöllöcaa

Per la sua funziön

In di stannza del fabbricaa…

Ritornello

Coro:

Se farà la FUNIVIA

Che me porta al Mont Bisbin

E l’Elettro-ferrovia

Che staziona sul confin.

Se farà öna grand pista

Per la cörsa di Asnitt

Ol primm premi  de la lista:

On bagett de cödeghitt!!

 

A solo:

E con sti cömödità

Cittadin e forestee

Podaran ben profittà

Senza spend tanti danee!

 

Ritornello

Coro:

Da Cernobi al Pizzamèi

On bel Cors coi marciapè

Paviment tutt in mörsèi

Via-vai innanz-e indre…!

Tutt la strada in moviment

Per toeu zucher e cafè

Cittadin e altra gent

Via-vai-innanz e indrè…!

 

A solo:

Ma l’access a la Dogana

La faran ben larg assee

Da permett a tutta spiana

El passagg innanz e indree…

Ritornello

Coro:

I paȇs sott’al Bisbin

Tutt e quatter consorzia,

Tutt e quatter lì visin

Formeran ona Cittaa

De sviulupp in sul Confin

Cont’el nom ben apropriaa:

CITTA’ NOEUVA del BISBIN!

(Sto progett l’è ben pensaa).

A solo:

MASLIANICH, certament

El sarà la <<Capitȃl>>

Per öl merit di so gent

E del Sindich… (Chi sarȃl?...).

Ritornello

Coro:

Istitutt de Pro Cultura

E Teater Popolar

Ghe saran ben in misura

Per öl popol esemplar!

Opifizi e grand Cartȇr

Mandaran a tutta spiana

De pertutt öl Mond inter

I prodott del Val Brengiana!

A solo:

E anmò, tant per finila,

Ghe saran tanti sorprȇs

E la gent de l’An Domila

La se rangia… a pagà i spȇs…!!

Ritornello

Coro:

In önör a Santeresa

S’è già faa la Noeuva Gesa.

Per mancanza de quattrin

Nö s’è faa el Campanin…

Ma ‘l Prevost, intelligent

La pensaa a rimedià…

Coi campan senza ‘l battent

Che delizia che ‘l me dà!...

A solo:

Ma se i rob van tutt de fila

In amour al bön destin

Forsi prima  del Domila

Vedarèm öl Campanin!

Ritornello

Coro:

Ma el noster Podestà

Quand l’ha vist la noeuva Gȇsa

El s’è miss a fabbricà

On progett de grande spesa:

EL PALAZZO COMUNAL!

Ma per chi voeur ben capìla

L’è ön disegn original

Per i gust de l’An Domila!

A solo:

E avanti de sto pass

Se anticipan i eventi

Ma sperem che almen i tass

Stian fermi… Accidenti!!...

Ritornello

 

 

Design by Gabriele Della Torre / Script by Joomla! / Webmaster: - / Versione 1.5.4 / Licenza Creative Commons
Il contenuto di www.bisbino.it è concesso in licenza sotto la Licenza Creative Commons Attribuzione 3.0 Unported.